Nagsaka sa 53 ang kaso sang COVID-19 sa Western Visayas.
ini matapos na-record ang isa ka bag-o nga kaso sa La Castellana , Negros Occidental.
Suno kay Dr. Renilyn Reyes, spokesperson sang Department of Health Region 6, si wv#53 isa ka 42 anyos nga lalaki sang La Castellana, Negros Occidental kag naka-facility quarantine.
Ang pasyente close contact nanday wv#37 kag wv#38 halin sa banwa sang Pavia, Iloilo.
Lima SA 53 ka nagpsositibo sa COVID-19 sa Western Visayas ang mga medical personnel.
Ginpahayag ni Dr.Reyes nga ang nasambit nga mga medical personnel nga nagpositibo sa COVID-19 ginalakipan sang tatlo ka doktor, isa ka nurse kag isa ka radiological technologist.
Duha sa mga ini ang nagikan sa siyudad sang Iloilo, duha sa probinsya sang Iloilo kag isa sa probinsya sang Aklan.
Suno kay reyes nga lunsay may travel history sa manila ang nasambit nga mga medical personnel.
Apat sa mga ini ang naka-recover na sa balatian.
