Davao City- Gipang aresto ang Lima ka mga ginang human naaktuhan nga nag illegal gambling kun nagapa-last two alas 8:30 kagabii didto sa aquino galleria cabaguio avenue ningdakbayan
Mga dinakpan naila sa pangalan mao sila si Junalyn Reyes (26 anyos), residente sa Panacan, Gretchen Carcasona (28 anyos), nagpuyo sa Tibungco, Genelyn Tugnao (30 anyos), residente sa San Francisco Buhangin, Carla Jyong (24 anyos), residente sa Bulinaw St. Sasa ug Nellia Fulleros (53 anyos), nagpuyo sa Brgy. Thomas Monteverde ning siyudad.
Sa gilusad sa kapulisan ang ocular monitoring surveillance ug didto naaktuhan ang mga suspek nga nakigtransak og illegal gambling hinungdan gipangsikop niadtong tungora.
Narekober gikan sa possession sa dinakpan ang bet money kun gipangpatad nga mokantidad og 1250.00 ka pesos, 3 units sa keypad Samsung Mobile Phone, duha ka pad sa last two stub with carbon papers ug duha ka black nga ballpen.
Ang lima ka dinakpan under custody na sa Sta. Ana PNP ug gihikay na ang kasong kalapasan sa Republic Act 9287 kun Illegal Gambling.
Radyoman Don Pulayao
