Roxas City, Capiz – Arestado ang duha ka mga persona sa ginkasa nga buy bust operation sang Roxas City PNP alas 9:50 sang gab-i sa Brgy Cagay.
Ginkilala ang mga subject person nga amu sanday Benjie Gonzales y Dela Cruz, 47-anyos sang Brgy Cagay kag Michael Bergantinos, 42-anyos sang Brgy Punta Tabuc, Roxas City.
Natigayon nga marekober sa mga ini ang kabug-osan nga siyam ka sachet sang suspected shabu, mark money nga 500 pesos kag isa ka cellphone.
Samtang sa separado man nga operasyon nga ginpatigayon sang mga katapo sang PDEA-Capiz kag Provincial Drug Enforcement Unit(PDEU) sa Brgy VII sining syudad, natigayon man nga madakpan sanday Albino Niquia Abarelis, Ransom Salvador y Bencer kag Stephen Salvador y Bencer .
Ang amu nga mga persona ang magapangatubang sang kaso nga paglapas sa RA 9165 ukon Comprehensive Dangerous Drugs of 2002.
