Pagadian City – Nakatala og lima ka pasyente nga nakarekober sa Covid-19 ang Integrated Provincial Health Office kun (IPHO-Zambosur).
Nagnegatibo na sa ulahing swab test ang 36-anyos ng Locally Stranded Individual nga taga Purok Santol, Riverside, Tambulig, Zamboanga del Sur.
Gawasnon na usab gikan sa Zamboanga del Sur Medical Center Isolation Facility ang 30-anyos nga lalaki nga LSI nga taga- purok Cacao, Bulawan, San Miguel, Zamboanga del Sur.
Daku usab ang kalipay sa 28 nga babaye nga LSI nga taga-Purok Riverside, Nilo, Tigbao, Zamboanga del Sur dihang gipahibalo sa mga doctor nga negatibo na siya sa Covid-19.
Walay kabutangan sa kasadya sa 38-anyos nga lalaking LSI nga taga-Brgy.San Francisco, Pagadian City dihang nasayran nga makauli na siya sa iyang paniamalay human negatibo ang resulta sa iyang swab test.
Nadischarged na usab gikan sa Pagadian City Infirmary Hospital ang 29-anyos nga LSI nga taga-Purok Matinahoron, Bulatok, Pagadian City.
Gipapauli na sa iyang pinuy-anan mga pasyente apan gitambagan nga mopailalom sa pito ka adlaw nga Home Quarantine.
