Pagadian City, Zamboanga del Sur – Gidaro sa usa ka dump truck nga nagtangag sa plaka numero YBD 692 ang lima ka mga sakyanan kaniadtong nakalabayng adlaw dihang dapita sa Zulueta Street, Purok Bahada, Dao, Pagadian City human kini nawad-an og brake. Ang maong sakyanan gimaneho sa usa ka Peter Paradji, 35 anyos og residente kini sa Purok Palmera, Napolan, Pagadian City.
Kon diin usa ka Aspen White Mitsubishi L300 nagtangag sa plaka numero ZJB 131 gimaneho kini sa usa Ian Paul Rendon, 35 anyos og rsidente sa Baranggay Bogo, Pagadian City ang gidaro sa nasangpit nga dump truck. Lakip na usab ang usa ka Isuzu Crosswind Wagon nagdala sa plaka numero YCY 311 og gimaneho kini sa usa ka Hendry Moron 58 anyos og residente sa Patag, Dao Pagadian City.
Usa ka pampasaheroan nga tricycle nga adunay Cab number 0876 og gimaneho ni Jembert Toledo, 23 anyos og residente sa Lower Bagong Silang, Pagadian City.
Apil na usab nga gidaro ang duha ka single motor . usa ka Honda XRM nga color pula nagdala sa plaka numero JA 61846 og gimaneho sa usa ka Geofrey Arnoco, 48 anyos residente sa Purok Villaren, Banale Pagadian City kauban ang backride niini nga sila si Erlinda Arnoco 68 anyos og usa ka Mary Grace ADlaon 11 anyos.
Apil na usab nga gidaro ang lain pang single motor Honda XRM 125, color blue og nagtangag sa plaka numero JA 51227 gimaneho sa wala maila nga lalake og adunay duha ka backride ng sila si Gloria Cabuga og Vanessa Mae Cabuga.
Sa inisyal nga imbestigasyon nasayran nga nawad-an og brake ang dumptruck hinungdan nga aksidente niining nabanggaan ang mga sakyanan nga nag-una niini . Dali gilayong gidala sa Zamboanga del Sur Medical center ang mga biktima arun katambalan apan gideklarar nga patay sa attending physician ang driver sa usa ka single motor nga si Geofrey Arnoco.
