General Santos City—Sikop sa mga Intel operatives sa Police Station 5, ang unom ka tawo silang Junel Merced, 23 anyos, Richson Mabale, 38 anyos, Mark Otanes, 41 anyos, Roberto Salvador , 41 anyos, susamang residente sa Purok Bayanihan , Barangay Calumpang ingon man ang usa ka Arnold Elesis, 34 anyos, lumulopyo sa may 39.2 FVR Village, Barangay Fatima human kini nagsugal.
Kahibaluan nga bandang alas 3:30 sa hapon una nang nakadawat ug impormasyon ang kapolisan sa maong dapit nga adunay nag duha og baraha sa basketball court sa maong Purok hinungdan nga girespondihan nga miresulta sa pagkasikop sa mga nasangpit.
Nakuha sa posisyon sa mga nahisgutan ang baraha ingon man pusta nga nagbalor 450 ka pesos. kasong kalapasan sa Presedential Decree 1602 ang gikatakdang atubangan sa lima ka mga dinakpan.
(Photo From Web)
