Lima ka sundalo samaran sa IED explosion sa Comval

Davao City – Lima ka mga sundalo ang samaran human mibusikad ang usa ka Improvised Explosive Device (IED) sa Sitio Patawon, Barangay Cabuyuan, Mabini, Comval Province alas 10:55 kagabii.

Sa report gikan sa Police Regional Office kun PRO XI, samtang padulong ang sakop sa Platoon of Charlie Coy, 46th Infantry Batallion, Philippine Army sa nasangpit nga lugar, mibusikad ang maong IED nga gituohang gitanom sa mga sakop sa Milisyang Bayan sa APO CLUSTER B nga gipangulohan ni alias Janu.

Dugang niini, daling miresponde ang ubang sakop sa 46TH IB sa lugar aron usab makuha ang mga samarang sundalo.


Sa karon, naglusad na og follow-up investigation ang kasundaluhan aron masikop ang responsable sa pagtanom ug pagbusikad sa maong IED.

RadyoMaN Renz Barbarona

Facebook Comments