Gisikop sa kapulisan sa Misamis Oriental ang lima ka wanted persons sa managlahing higayon.
Mga alas 11:50 kagahapon sa buntag, gisikop sa kapulisan sa Lugait Municipal Police Station ang wanted sa kasong serious physical injury sa Barangay Calangahan, Lugait, Misamis Oriental.
Kini mao ang 34 anyos nga si Glenn Jabagat, ulitawo ug nagpuyo sa nasangpit nga dapit.
Mga alas kagabie, gisikop sa kapulisan sa Balingasag Municipal Police Station ang wanted sa kasong Acts of Lasciviousness in relation to Republic Act or R-A 7610.
Ang suspek mao ang 48 anyos nga si Ruben Mendoza Pelayo, minyo ug taga Purok 5, Barangay Binitinan, Balingasag, Misamis Oriental.
Temporaryong makagawas si Pelayo kung makapiyansa og 180-mil pesos.
Samtang ang laing tulo, una nang nasikop niadtong Martes diin lakip niiini ang number one most wanted person sa Talisayan, Misamis Oriental.
Kini mao ang 43 anyos nga si Ariel Espinosa Zapico, ulitawo ug taga Purok 8-Obrero, Butuan City.
Si Zapico nag-atubang sa kasong paglapas sa R-A 7610 ug temporaryong makagawas kung makapiyansa og 120-mil pesos.
Sa Natumulan, Tagoloan, Misamis Oriental nasikop sa kapulisan sa Lagonglong Municipal Police Station ang wanted sa kasong paglapas gihapon sa R-A 7610.
Ang suspek mao ang 43 anyos nga si Roni Rosalito Lood, minyo ug taga Purok 6, Lagonglong, Misamis Oriental.
Samtang, gisikop sa kapulisan sa El Salvador City ang lalaking wanted sa kasong attempted homicide.
Kini mao ang 35 anyos nga si Artemio Palen, minyo ug taga Zone 1, Barangay Molugan, El Salvador City, Misamis Oriental.
