Sa pakighinabi sa DXDC RMN Davao kang first responder SFO2 Manuel Ronquillo, iyahang gibutyag nga nagpabiling nagbantay ang kabomberohan sa maong area hangtod gabii tungod human mapalong sa kalayo, igo ra makatalikod ang mga bombero, mukalit na sab kini og silaob.
Nagbutang na usab sila og daghang gallon sa tubig duol sa landfill aron kung magsugod na sab og aso, dali kaning marespondehan sa mga residente ug dili na mudako pa ang kalayo.
Sa inisyal nga imbestigasyon, butyag sa opisyal nga nagsugod kini human nga adunay nagsunog og plastic sa ibabaw nga bahin aron makakuha og bakal nga ibaligya ug wala nabantayan, kalit nga miulbo ang maong sunog.
Hinuon, walay mga residente ang apektado tungod layo ang maong landfill sa mga kabalayan.
Sa karon, hugot sab ang koordinasyon sa Mintal BFP ngadto sa barangay aron sila makatabang nga sa hingpit mapalong na kini.
RadyoMaN Ivy Parido
