[image: IFM 919 Logo (1).jpg]
Gipangbuhian na gikan sa pagkakustodiya sa presinto sa kapolisan ang lima ka mga lalaki lakip na ang menor de edad human nga gireklamo og nanglungkab sa pisonet sa Kasilak, Silway Fatima, Barangay Dadiangas West niaging semana.
Matod sa update report nga imbestigasyon sa Pendatun Police Station giatras na sa reklamanteng senior citizen nga si Perigrina Ytac na maoy tag iya sa piso net sa iyang tindahan nga una nang gilungkab sa grupo sa lima ka mga batan on.
Giila kini sa mga pangalang Jayson Olayvar, Jerald Panoncillon, Eden Jay Fernandez, Luis Maghinay ug menor de edad nga gitago sa pangalang Lino kansa mga silingan sa reklamante.
Kahibaluan nga niaging semana unang gidakop ang mga batan on tungod nakit-an sa reklamante ang pagguba sa padlock sa duha ka units sa piso net nga dunay unod kapin 20 mil nga coins.
Apan hugot kining gipanghimakak sa mga batan on ang alegasyon sa biktima.
Gitugyan na sad ngadto sa Social Welfare ang minor de edad nga ilang kauban.
