Nisaka ug lima ang namatay sa nahitabo nga pagkahugno sa bunkhouse nga giistaran sa mga construction workers sa dalan Archbishop Reyes sa Barangay Lahug sa dakbayan sa Sugbu .
Ang insidente nahitabo alas 3:00 kaganinang kadlawon samtang nangatug ang mga construction workers sa JE Abraham Lee Construction sa upat ka andana nila nga bunkhouse .
Gawas sa nakalas , adunay 158 ka mga survivors , diin upat niini ang seryoso nga naangol , ug 44 ang nakaangkon ug ginagmay nga mga samad .
Ang ilang bunkhouse gigamit lang sa mga steelbars o metal scaffoldings nga niabot ug upat ka andana .
Ang Office of the Building Official (OBO) sa syudad sa Sugbu mosusi sa posibling mga kalapasan sa kontraktor labot sa maong hitabo .
Ang Department of Labor and Employment (DOLE) mohimo usab ug kaugalingong imbistigasyon aron matumbok ang mga kalapasan sa kontraktor ilabi na sa paghatag ug igong seguridad sa ilang mga trabahante
Si Cebu City Disaster Risk Reduction and Management Office chief nga si Nagiel Bañacia , nibutyag nga kaabag usab nila ang Bureau of Fire Protection , Emergency Rescue Unit Foundation (ERUF) ug ubang volunteers sa pagrescue sa mga construction workers nga napiit sa nahugno nga straktura .
