Davao City – Lima ang deklaradong patay lakip na ang usa ka buntis human sa nahitabong bangga sa upat ka mga sakyanan nahitabo sa National Highway Purok 6, Brgy. Canocotan, Tagum City pasado alas-7:00 Domingo sa gabii.
Sa maong ihap, dead on the spot ang tulo sa mga biktima samtang deklaradong dead on arrival laing duha kinsa gisulayan pa og dala sa Davao Regional Hospital.
Atol sa imbestigasyon sa Tagum City PNP, padulong sa Davao CCity ang R.E. Badja ug Nissan Navarra Pick Up diin pag-abot sa nasangpit nga lugar paingon moliko ang R.E. Badja ug nabanggaan kini sa pick up sa likod nga bahin rason nga nadiretso kini sa pikas lane ug nabanggaan sa naglawig usab nga bus sa Land Car Inc. nga gikan sa Davao.
Gawas sa sakyanan nabanggaan usab sa pick up ang atubangna sa multicab ingon man ang poste sa kuryente sa center island.
Saysay Llian Lahoy, witness sa maong panghitabo, nakita niini nga paspas og padagang ang pick up samtang hinay lang ang dagan sa bus ug R.E. Badja.
Nasayran nga gikan sa balay-tambalanan ang maong pamilya aron sundoon ang bagohay lang nakagawas nga inahan.
Lakip sa namatay ang usa ka seaman, asawa niini nga upat ka bulan buntis, 8-anyos nga anak, ug ugangan niini kinsa pulos anaa sa Tagum Cooperative.
RadyoMaN Jason Amisola
