Davao City – Sikop sa drug buy bust operation sa San Pedro PNP ug Sasa PNP ang lima ka mga pushers sa iligal nga droga partikular kining shabu.
Pinaagi sa hiniusang puwersa sa Davao City Police Office Drug Enforcement Unit ug Sasa PNP nasignit ang unang duha sa upat ka drug pusher sa Sasa nga sila Jay Neil Macatubag, 35 anyos, Joel Retor, 42 anyos diin nasikop sila sulod sa BB INN sa Panacan alas 8:30 kagabii.
Nakuha sa ilaha ang upat ka sachet nga shabu, marked money, ug cellphone.
Human sa pipila lang ka minuto nadakpan usab sila Kristy Serato, ug Marvin Bisnar ug nagpuyo sa purok 2, muslim Village Kilometer 11 Sasa ning dakbayan alas 8:45 kagabii.
Samtang sa gilusad nga operasyon sa San Pedro PNP alas 6 kagabii sa may Penguin st., Ecoland phase 2, Davao City, dakpan ang suspek nga si Datu Rahid Macakaid Kulano alyas Datu, 28 anyos ug lumad taga Purok 5, Inas Mlang North Cotabato.
Sa pagtunol na sa suspek sa usa ka sachet sa gituohang droga dali dayun gisikop ang suspek ug nakuhaan og lain pang usa ka sachet sa gituohang shabu nga dunay street value nga 2,000 ka pesos.
Balhog na karon sa buhatan sa San Pedro ug Sasa PNP ang mga dinakpan ug mag atubang og kasong paglapas sa Republic Act 9165 kun Comprehensive Dangerous Drugs Act of 2002.
RadyoMan Paul Canono/RadyoMaN Joel Viray
