Davao City – Arestado sa buybust operation kaganihang kaadlawon ang lima ka mga suspek sulod sa Megiko Inn sa dalang CM Recto ning syudad sa Davao.
Atol sa buybust operation sa mga miembro sa PDEA XI naabtan usab sulod sa kwarto ang upat ka mga suspek nga nagpot session.
Ang mga suspek nga nadakpan mao sila si Christopher Jhon Loyola, 25 anyos, nagpuyo sa Sentro Agdao, Davao City, Mary Jane Mosquera, 25 anyos nagpuyo sa Matan-ao Davao del Sur, Rhian Lim Apole, 39 anyos nagpuyo sa Buhangin, Davao City, Rogelio Sim Jr., 27 anyos nagpuyo sa Tuban, Sta. Cruz Davao Del Sur ug Flordeliz Lozano, 29 anyos nagpuyo sa Panacan, Davao City.
Nakuha sa posisyon sa mga suspek ang nagkadaiyang sachet sa shabu nga mikantidad ngadto sa 250k ingun paraphernelia sa paghithit og illegal nga droga.
Giandam na sa PDEA XI ang kasong kalapasan RA 9165 batok sa mga dinakpan.
RadyoMaN Erin Lumosbog
