CAUAYAN CITY — ISANG MATAGUMPAY NA RESCUE OPERATION ANG ISINAGAWA NG PINAGSAMANG PUWERSA NG RESCUE 721 GATTARAN AT RESCUE 116 BAGGAO MATAPOS MAHULOG SA BANGIN ANG ISANG DELIVERY TRUCK SA BARANGAY SAN CARLOS, GATTARAN, CAGAYAN NITONG HAPON NG DISYEMBRE 16, 2025.
AYON SA ULAT, LIMANG INDIBIDWAL, KABILANG ANG DRIVER, ANG SUGATAN SA INSIDENTE NA NAGANAP HABANG PATUNGO ANG TRUCK SA BAYAN NG APARRI MULA SA CAUAYAN CITY, ISABELA UPANG MAGHATID NG MGA PRODUKTO.
NAGING PAHIRAPAN UMANO ANG PAG-RESCUE SA DRIVER NA NAIPIT SA SASAKYAN DAHIL SA TINDI NG PINSALA NG TRUCK AT SA LALIM NG LUGAR NA PINANGYARIHAN NG AKSIDENTE.
MATAPOS ANG ILANG ORAS NA SAMA-SAMANG PAGSISIKAP, LIGTAS NA NAIALIS ANG DRIVER AT AGAD NA ISINUGOD SA PINAKAMALAPIT NA OSPITAL ANG LAHAT NG SUGATAN PARA SA KARAMPATANG GAMUTAN.
NAGPAABOT NAMAN NG PASASALAMAT ANG MGA AWTORIDAD SA MGA RESCUERS AT MGA SIBILYANG TUMULONG, NA MULING NAGPAKITA NG MALASAKIT AT SAKRIPISYO KAPAG BUHAY ANG NAKATAYA.
