Lima hasta walo ka bagyo ang ginalauman nga magapanalasa sa pungsod sa masunod nga tatlo ka bulan.
Ini ang pahayag ni Flaviana Hilario , Deputy Administrator sang Philippine Atmospheric Geophysical and Astronomical Services Administration ukon PAGASA.
Suno kay Hilario, sa bulan sang Hunyo, maka eksperyensya ang pungsod sang generally near normal rainfall condition magluwas sa mga lugar sa Apayao, Cagayan, Zambales kag iban pa nga lugar sa region 1 nga maka-eksperyensya sang below normal nga rainfall ukon pag-ulan.
Sa bulan sang Hulyo, generally normal above rainfall level ang ma-eksperyensyahan sa pungsod magluwas sa Mindanao kag Southern Visayas.
Sa bulan sang Agosto, above normal rainfall na ang ma-eksperyensyahan nga pag-ulan sa pungsod.
Dugang pa ni Hilario nga ang bulan sang Hulyo kag Agosto ang ginakabig sang PAGASA nga peak months ukon panahon nga tuman kabaskog ang pag-ulan.
