Manila, Philippines – Natupok ang limang bahay sa sunog na naganap sa Road 1 Area C, Brgy. Silangan, sa lungsod ng Quezon kagabi.
Ayon kay Quezon City Fire Department Supt. Romeo Rillo, alas-8 kagabi nang ideklarang fire out ang sunog na nagsimula ng alas-6:30 ng gabi na hindi naman umabot sa unang alarma.
Sa ngayon ay inaalam pa ang halaga ng ari-ariang nasunog pero wala namang nasugatan sa insidente.
Muling pinaalalahanan ng mga awtoridad ang publiko na mag-ingat sa paggamit ng kandila lalo na’t madalas itong pagmulan ng sunog.
DZXL558
Facebook Comments
