Cauayan City – Ikalawang araw pa lamang nang magsimula ang taong 2025 subalit nakapagtala na ng 5 vehicular accidents sa lungsod ng Cauayan.
Sa ulat mula sa BGD Command Center ng Cauayan City, ang bilang ng naitalang vehicular accidents at simula January 1 hanggang 5am ngayong January 2.
Mula sa 5 Vehicular accidents, 7 ang bilang ng indibidwal na naging biktima nito.
Sa kabutihang palad ay wala namang naitalang nasawi sa mga nasangkot sa aksidente subalit isa sa mga nasangkot ay positibong nasa ilalim ng nakalalasing na inumin habang 2 naman ang walang suot na helmet.
Paalala ng mga awtoridad, maging maingat sa pagmamaneho sa kalsada, magsuot ng helmet, iwasang magmaneho kapag nakainom ng alak, at iwasang gumamit ng cellphone habang nagmamaneho upang makaiwas sa disgrasya.
