Patay nang nadala sa ospital ang usa ka lineman trainee sa Cagayan de Oro Electric Power and Light Company, Inc. o CEPALCO human nabanggaan sa usa ka dump truck.
Kini nahitabo mga alas sais karong gabie sa Gaabucayan Extension corner Mambato Road, Agora, Barangay Lapasan ning syudad.
Ang biktima mao ang 28 anyos nga si Juhayver Macarampat, minyo ug taga Purok Mauswagon, Kimaya, Jasaan, Misamis Oriental.
Sakay si Macarampat sa iyang motorsiklo uban sa iyang kauban nga si Mc Harries sa sa dihang nahitabo ang insidente.
Nakaangkon ang biktima sa bali ug mga bun-og sa iyang wala nga paa ug tiil.
Sa pagsulat ning balita gipangita pa sa kapulisan ang driver sa dump truck human daling misibat human sa insedente.
PC: RadyoMaN Jonathan Bullo
Facebook Comments
