Davao City – Giklaro karon ni Davao City Vice Mayor Bernard Al-ag nga ang gipatumang “No Helmet, No Lingap” nga palisiya sa syudad sa Davao bunga sa limitadong budget alang sa sa financial assistance.
Sumala ni Al-ag, matag tuig nag-alokar kini ug tag-upat ka milyon ka pesos alang sa Lingap Program, apan kulang gihapon aron itabang sa mga tawong nagkinahanglan tungod kay daghang mga tawong modangop niini nga dili unta angayang hatagan sama sa disgrasya nga tinuyoan kay wala mituman sa mga balaud sa trapiko pananglit kining wala paggamit sa helmet.
Giklaro usab sa Bise-Mayor nga bisan ang normal nga pagpanganak dili covered niini nga tabang.
Gipasabot usab ni Al-ag nga kini nga palisiya makatabang usab kini sa pagdesiplina niadtong mga motorista nga wala mituman sa mga patakaran sa kadalanan ug sa mga makahimo og kremin.
RadyoMaN Bernard Pantallon
