General Santos City—Pormal na nga giabrehan nakalabay nga adlaw ang “Linggo ng Kabataan 2021” dungan usab kini sa selebrasyon sa International Youth Day dinhi sa dakbayan sa GenSan.
Gipangunahan sa City Mayor’s Office-Youth Affairs and Development Office (CMO-YADO) sa Local Government Unit of General Santos City kauban ang Sangguniang Kabataan Gensan, City Public Information Office, New Brighton School of the Philippines, Smart Communications Inc. ug uban pa nga Youth organization sa dakbayan.
Nahimong malampuson ang gipahigayon nga Virtual Opening Ceremony sa selebrasyon nga adunay tema nga “Transforming Food System: Youth Innovation for Human and Planetary Health”.
Usa sa malipayon nga interaksyon sa mga kabataan ang online ug trivia games sa Virtual Opening Ceremony, lakip ang uban nga diskusyon kalabot sa Agri-fishery, Youthworks PH ug sa hisgutan nga panglawas karon nga nakasinati og pandemya.
Naghatag usab og mga mensahe alang sa mga kabataan silang City Councilor Hon. Rosalita Nuñez, SK Federation President Hon. John Salvador Demdam, CMO-YADO Division Chief Ms. Sahara Jho Cabreros-Flora, National Youth Commission USec. Ryan R. Enriquez ug City Mayor Ronnel C. Rivera.
For more info’s and updates, like and share our official facebook account: www.facebook.com/ifm91.9Gensanofficial/ —————————— —————————— #TatakRMN #IFMAngIdolKongFM #RMNnetworks #ReachingMillionsNationwide #RMNFoundation [image: 1.jpg]
