Linibo ka mga residente gikan sa napulo ka mga barangay sa Legazpi, Albay ang ginpang-evacuate matapos ang pag-alburuto na naman sang bulkan mayon.
Angot sini, gin-abisuhan na sang malakanyang ang mga residente nga magbiya sa lugar sa diin ginbatak na sa alert level 3 ang sitwasyon sa bulkan Mayon.
Ginpahayag ni presidential spokesperson Harry Roque nga dapat wala na snag tawo sa sulod sang seven-kilometer radius permanent danger zone.
Suno kay Roque, dapat sundon sang mga residente ang abiso sang ila local government unit kag sang Philippine Volcanology and Seismology.
Dugang sini, may P5.6 million nga standby fund ang Department of Social Welfare and Development (DSWD) sa rehiyon 5 para sa mga apektado nga residente.
Nahibaluan nga 54 ka beses na nga naglupok ang bulkan Mayon sa diin sang February 1, 1814 nabalhag ang pinakamabaskog nga paglupok nga nagtuga sang dako nga kahalitan sa lugar.
