Davao City – Wala makamugna og damyos ang Magnitude 5.3 nga linog nga miigo sa lungsod sa Governor Generoso Davao Oriental, kagahapon sa buntag.
Sa interview sa DXDC RMN DAVAO kang Office of the Civil Defense Davao Region Focal Person Franz Irag gibutyag niya, wala makatala ang ilang buhatan og mga damyos sa munisipalidad sa Governor Generoso Davao Oriental ug mga lugar nga naabtan sa pagtay-og kagahapon sa buntag.
Giingon ni Irag, human sa linog gilayon nagpahigayon og assessment ang Disaster Risk Reduction Management Office sa probinsiya, munisipalidad ug mga syudad sa rehiyon onse, aron nasuta nga walay mga imprastraktura ang nadamyos ug naangol sa naasoy nga insidente.
Dugang ni Irag, tectonic ang tinubdan sa pagtay-og diin ang intensity 3 miabot sa Davao Occidental ug intensity 2 sa Davao City.
RadyoMaN Joel Viray
Facebook Comments
