Panay, Capiz- Lipong ang isa ka mister matapos lamposan sang bangko sang isa ka persona alas 6:10 sang gab-e sa Brgy. Cogon, Panay, Capiz.
Pilas sa agtang ang naangkon sang makaluluoy nga biktima nga ginkilala kay Fernando Barrio y IbaƱez, 52-anyos sa residente sang nasambitan nga lugar.
Nahibaloan nga bangud sa kabaskugon sang paglampos sang 56-anyos nga suspek nga si Castor Calinao Jr. y BriƱosa, nalipong ang biktima kag ini ang gindangat sa Roxas Memorial Provincial Hospital agud nga mabulong ang naangkon sini nga samad.
Suno sa imbestigasyon sang kapulisan sang Panay, nakainom ang biktima kag ginhambalan sini sang mga malain nga tinaga ang suspek kabangdanan nga nagkuha ini sang bangko kag ginlampos sa biktima nga si Fernando Barrio.
Ginapahayag nga may yara na sang daan nga indi paghangpanay ang duha.
