Gipahayag ni VRU Head Coronel Hernando Las, dili exempted ang mga Bar ug Beer House owiners sa kalapasan sa Anti-Liquor Ban Ordinance, busa maapil gayod sila nga ma-isyohan sa citation ticket.
Giingon ni Las, ang 1st offense dunay multa P3,000, 2nd offense P5,000 ug 3rd offense P5,000 ug pasakahan og kaso sa Korte ug kung mahukmang guilty, muabot sa usa ka tuig ang pagka-preso sa mga malapason.
Apan, gitin-aw sa opisyal nga pwede gihapon mapasaka sa korte ang kaso, kung mapakyas ang tag-iya sa beer house ug ang 24 ka customers sa pagbayad sa citation ticket sulod sa pipila ka adlaw. Base sa Ordinansa, ang Liquor Ban magsugod sa 1:00 sa kadlawon ug ang bisan kinsang masakpang mag-inom gihapon sa maong oras, pagasikopon ug isyohan og citation ticket.
Niadtong Sabado sa kadlawon September 23, 2023, gironda ang usa ka Bar / Beer House sa Sobrecary St., Davao City sa Vices Regulation Unit ug kapulisan sa Sta.Ana nga nagbaligya ug nagpa-inum sa ilimnong makahubog nga nakalapas na sa liquor ban, hinungdang gisikop ug gi-isyohan og citation ticket ang 24 ka mga customers.
RadyoMaN Joel Viray
