Davao City – Gikatakda’ng magpagawas og bag-ong Executive Order (EO) ang City Government of Davao labot sa paglugway sa mga EO nga mag-expire karong December 31, 2020.
Gibutyag ni Davao City Mayor Sara Duterte-Carpio nga lakip sa i-extend nga EO mao ang 24-hour liquor ban, curfew hours, alternative work arrangement ug regulations sa mass gatherings ug mga non-essential travel sa syudad.
“Ang atoang mga Executive Order (EO) they will be extended until 2021. Kung unsa ang mga dates, hulaton nalang nato ang atoang bag-ong EO kung unsa ang mga inclusive or effectivity dates ani,” segun ni Mayor Inday.
Dugang sa Alkalde nga samtang anaa pa ang Coronavirus Disease 2019 (COVID-19) pandemic, padayon nga ipatuman ang measures ug COVID-19 response sa City Government of Davao partikular na ang mga regulasyon ug mga gina implementar nga mandatory health protocols batok COVID-19.
RadyoMaN Kirby Manzon
