Davao City – Sugod Setyembre 1, 2020, gilaumang ma-lift na usab ang liquor ban ug i-balik na ang operasyon sa Roxas Night Market.
Kini human gi-anunsyo na usab ang pagwagtang sa paggamit sa Food and Medicine (FM) Pass nga epektibo sugod sa Lunes (August 3, 2020).
Sumala kang Davao City Mayor Sara Duterte-Carpio, kini kung ma-mintinar sa syudad ang pag-manage sa mga kaso sa COVID-19 (Coronavirus Disease 2019).
“Ang atoang plano is to make sure na we keep the numbers low karon and manageable siya sa atoang COVID-19 preparations tanan. Then, by August 30 we’ll lift the liquor ban and then we reinstall the Roxas Night Market,” segun sa mayor.
Gipasabot sa Alkalde nga gilauman niini nga magbaton og disiplina ang katawhan o magbaton og self-regulation sa mga angay himuon batok COVID-19 rason nga hinay-hinay na nga giwagtang ang mga regulations nga kasamtangang ginapatuman.
RadyoMaN Kirby Manzon
