Davao City – Tungod sa gipahugtang kampanya sa liquor ban, mikunhod na ang ihap sa mga nagmasupakon sa maong ordinansa sa unang quarter sa 2024 kung itandi sa milabay’ng tuig.
Sa report sa Vices Regulation Unit (VRU) ug Davao City Police Office (DCPO), kapin 300 ka indibidwal ang nadakpan gikan Enero hangtod Marso ning tuiga kumpara sa dul-an 500 niadtong 2023.
Sa interview sa City Information Office kang VRU Head Hernando Las, ang maong kabag-uhan resulta sa padayong paghatag og kaalam ngadto sa dabawenyos mahitungod sa ordinansa diin sagad sa mga nadakpan, dili na residente sa dakbayan.
Dugang pa nga regular ang operasyon sa VRU enforcers aron sa pagpanakop og mga violator sa Anti-smoking Ordinance, Liquor Ban ug Sobriety Ordinance. Padayon usab ang monitoring sa mga establisyemento alang sa ilang business permit.
RadyoMaN Ivy Parido
Facebook Comments
