Davao City – Kapin 30 ka mga tao ang nasikop sa kapolisan human nakalapas sa City Ordinance nga liquor ban subay sa datus nga gipagawas sa San Pedro PNP sukad niadtong pitsa 17 sa adlawng Sabado hangtod sa pitsa 19 sa adlawng Lunes bulan sa Nobyembre ning tuig kasamtangan.
Sa interview sa DXDC RMN Davao ngadto kang Police Officer 1 Jessa Mae Ceriales ang Police None Commission Officer sa San Pedro Pnp nga kasagaran sa mga nadakpan nga nag-inum daplin sa kadalanan ug mga bar.
Matud niini nga ang mga nadakpan naisyuhan na og citation ticket ug dunay multa nga 3,000.00 pesos alang sa first offense diin mamahimong ilang bayran ngadto sa lokal nga panggamhan ningdakbayan sa Davao.
Gikanayon ni Ceriales nga padayon ang ilang gihimong pagpanakop sa mga malapason sa maong ordinansa diin gidili ang pagpalit ug pag-inom sa bino paglapas sa ala 1:00 sa kadlawon.
RadyoMaN Don Pulayao
