CAUAYAN CITY — KINUWESTYON NI VICE GOVERNOR FRANCIS FAUSTINO “KIKO” DY ANG LISTAHAN NG REGISTRY SYSTEM FOR BASIC SECTORS IN AGRICULTURE (RSBSA) SA PUBLIC HEARING NG SANGGUNIANG PANLALAWIGAN, MATAPOS LUMABAS NA HINDI UMANO ITO UPDATED AT HINDI NATUTUKOY ANG TUNAY NA BENEPISYARYO.
AYON KAY DY, MATAGAL NA NIYANG ISINUSULONG NA ANG MGA LOCAL GOVERNMENT UNIT (LGU) MISMO ANG MAGHAWAK AT MAG-UPDATE NG LISTAHAN UPANG MATIYAK NA ANG MGA TOTOONG MARGINALIZED FARMERS ANG NAKIKINABANG SA MGA PROGRAMANG PANG-AGRIKULTURA NG PROBINSYA.
GIIT NIYA, KUNG LOCALIZED ANG SISTEMA, MAS MADALI SANANG MATUTUKOY KUNG SINO TALAGA ANG MGA MAGSASAKANG TUNAY NA NANGANGAILANGAN NG TULONG, AT HINDI NAPAPAKINABANGAN NG MGA HINDI KWALIPIKADO.
BUKOD DITO, HINDI RIN REGULAR NA NAA-UPDATE AT NAIBAVALIDATE ANG DATOS MULA SA MGA LGU KAYA’T NANANATILI PA RIN SA TALAAN ANG MGA PUMANAW NA O MATAGAL NANG HINDI NAGBUBUKID.
DAHIL NANANATILING SENTRALISADO ANG PAMAMAHALA SA SISTEMA, NAGIGING BUKAS DIN ITO SA PAMUMULITIKA AT MALING PAMAMAHAGI NG AYUDA AT SUBSIDIYA.
NANINDIGAN SI DY NA ANG TANGING PARAAN PARA MAIBALIK ANG TIWALA NG MGA MAGSASAKA AY ANG PAGSASALIN NG KAPANGYARIHAN SA MGA LGU.
ANIYA, SA PAMAMAGITAN NG LOCALIZED NA SISTEMA, MASISIGURO ANG TRANSPARENCY AT ACCOUNTABILITY, AT HIGIT SA LAHAT, ANG TUNAY NA BENEPISYO PARA SA MGA MAGSASAKANG HIGIT NA NANGANGAILANGAN.
