Giklaro sa buhatan ni Iligan City Lone District Representative Freddie Siao, nga ang listahan sa mga gipanghatagan og bugas niadtong Biyernes ug Sabado gikan sa buhatan sa City Social Welfare and Development (CSWD) ug dili mga pinili sa kongresista.
Kini sila, matud pa ni Verne Padilla, Political Officer ni Siao, mga pamilya nga naapektuhan sa paghapak sa Bagyong Vinta niadtong Disyembre 2017 ug Bagyong Agaton niadtongEnero 2018, diin ang CSWD maoy nagpahigayon og intakehinungdan nga sila ang adunay listahan niini.
Ang uban usab kanila, mga pamilya nga adunay estudyante nga kasamtangang benepisyaryo sa scholarshipprogram sa buhatan ni Siao.
“Giklaro ni Cong. Siao nga ang maong mga bugas dili kang kongresman, dili usab sa iyang buhatan apan iya kadto sa Tzu Chi Foundation nga gilangkuban sa mga negosyanteng Taiwanese,” miingon si Padilla.
Igo lang, matud pa, gi- coordinate sa mga negosyante ang buhatan sa Lone District of Iligan alang sa ilang community outreach dinhi sa dakbayan.
“Usa ka garbo nga gihatagan og pagsalig sa maong mganegosyanteng langyaw ang atong kongresman tungod kaykabalo sila nga moabot gayud kini ngadto sa hintungdan,” dugang ni Padilla.
Tag- 20 ka kilo nga bugas ang nahatag ngadto sa 16,000 ka mga pamilya sa Iligan.
Giklaro ni Siao nga dili pamulitika ang maong lakang tungod kay wala may kalabutan ug walay interes sa pulitikaang mga negosyanteng langyaw diri sa Iligan.
