Listahan sa mga nalambigit na mga personalidad sa illegal na droga taghatag nan PDEA ngadto kan Cong. Robert Ace Barbers nan 2nd District nan Surigao Del Norte Matud pa sa Kongresista, an mga kadagkuan nan Phil. Drug Enforcement Agency (PDEA) Surigao Del Norte an mihatag sa ija sa amo na listahan kahapon. Suyod sa listahan an kapin kon kuyang 300 ka mga pangayan nan pipila ka pulis, barangay ug municipal officials na nalambigit sa illegal na kalihukan sa droga gikan sa Surigao Del Norte, Dinagat Province ug kabahin nan Surigao Del Sur. Sija isip Chairman sa Committee on Dangerous Drugs an ija tagpasalig an pagsuporta sa kampanya nan PDEA, gani ija tag-awhag an mga ini na dakpon adton mga tagtawag na Narco-Politicians na tagkonsiderar na High Value Target nan gobyerno. Dugang pa ni Cong. Barbers, sija uyon isab sa pagtudlo na an PDEA an manguna na ahensiya sa kampanya batok illegal na droga.
