Sa gihimong pagdungog kagahapong adlawa didto sa kauluhan sa ika upat ka higayon mahitungod sa illegal drug trade dinhi sa atong probinsya sa Zamboanga del norte sa pagpanguna na usab ni Cong. Seth Fredereck Jalosjos
Na contempt si P/Supt. Lito Andaya sa gihimong pagdungog didto sa kongreso kagahapong adlawa.
Base na usab kini sa gihimong pag pasaka ug kaso ni Lito Andaya sa mga witnesses may kalabtanan sa guinadiling droga ug sa mga nahitabong patay dinhi sa atong dakbayan lakip na usab atong probinsya.
Tungod kay ang gihimong basehan sa pagpasaka ug kaso ni Andaya mao man ang nahimong pamahayag sa mga witness niadtong unang pagdungog sa kongreso.
Gani gikabutyag pa ni Robert Ace Barbers, chairman sa House committee on dangerous drugs nga dili pwede gamitong basehan ni Andaya ang mga pamahayag sa mga witness ilabi na nga aduna kini sila’y immunity.
Nakalapas matod pa si Andaya sa Section 11 sa rules on procedures governing inquiries in aide of legislation hinungdan nga matanggong siya sa house of representative sa dili mo lapas sa napulo ka adlaw.
Gipasabot pa unta ni Andaya nga ang pagpasaka niya ug kaso ngadto sa mga witness walay kalabutan sa gihimong imbistigasyon kundili lahi kini nga kaso ang iyang gipasaka. Apan bisan paman sa iyang pamahayag, ge tanggong gihapon siya sa house of representative.
