Report ni: Jennifer Palomo Debaja
Nag viral sang damlag lang ang FB Post ni Paulo Infante isa ka PAL employee samtang gina asistiran sang upod nga flight attendant ang pasahero nga naalangan sa pagbata apat ka oras antis maglanding ang ila ginasakyan nga PAL flight PR 683 sa Manila International Airport halin sa Dammam, Saudi Arabia.
Ginkalipay naman sang mga kaupdanan ni Marigold Parreno ang madinalag-on nga pagbulig sa iloy sa pag bun-ag sa lapsag nga babaye sang Sabado Enero 26, 2019.
Makita sa post ni Infante si Parreno nga naga assist sa pag deliver sang lapsag kag ang iloy sang baby nga nagaposing upod ang mga crew samtang karga sini ang iya bag ong bun ag nga anak.
Sa pahayag ni Parreño, daku gid ang bulig sang iya background bilang isa ka nurse kag ang presensiya sang medical equipment nga ready onboard in case may emergency pareho sa natabu.
Sa statement sang Philippine Airlines spokesperson Cielo Villaluna, ginapabugal gid sang kumpanya ang mga cabin crew nga suno sa iya nangin responsable sa pag aktu sa mga kinahanglanon sang mga pasahero sa mga extraordinary situations sa flight.
Naglab-ot na sa 4,000 engagements, 163 comments kag 1,800 shares ang post ni Infante.
Wala naman ginhingadlan pa ang nasambit nga pasahero.
