Magapatigayon sang mass testing alas 2:00 karon sa hapon ang city government sang Koronadal paagi sa City Health Office sa mga fish vendors /dealers dire sa syudad nga may- travel history sa Gensan fishport.
Suno kay City Health Officer Dr. Editho Vego target nila ang singkwenta ka mga fish vendors/dealers subong nga adlaw nga mangin first come, first serve basis kag mangin prayoridad ang may history of travel sa fishport kag ang may sintomas sang COVID-19.
Samtang ang mga symptomatic ukon may sintomas ang ipaidalom sa swab test kag ang mga asymptomatic ukon wala sang sintomas naman suno pa ang ipaidalom naman sa rapid test.
Ginaawhag naman ang mga fish vendors/dealers nga magcoordinate anay sa ila mga BHERTS bag-o pa man magkadto sa City Health Office para sa inisyal nga record kag assessment.
Ipatuman suno pa ang “No BHERTS consultation, No Testing.”
Ang nasambit nga tikang sang city government ang matapos nga may isa ka fish vendor nga taga-Brgy. San Isidro, Koronadal City ang nagpositibo sa COVID-19 nga may history of exposure sa Gensan fishport.
Nahibaluan nga sa iban man nga banwa sa South Cotabato may mga fish vendors/dealer man ang nagpositibo sa COVID-19 nga may history of exposure sa Gensan fishport.
