*NPA padayon ang recruitment; Abu Sayyaf sa Negros, indi kumpirmado*
NEGROS OCCIDENTAL – Nagapabilin nga alerto ang military sa probinsya sang Negros Occidental bisan pa nga natapos na ang Semana Santa.
Ginpahayag ni 3rd ID Commander Major General Jon Aying ng kasunod ini sang nabaton nga report sang military nga may ongoing karon nga recruitment kag training ang New People’s Army o NPA ilabi na sa ila Special Partisan Unit ukon SPARU diri sa Negros.
Suno kay Aying nga apesar nga back-to-normal ang operasyon apang sa gihapon naka full alert ang utoridad agud masiguro ang safety sang pumuluyo kag sang mga dumuluong nga yari karon sa probinsya.
Angut sini, gindula ni Aying ang kahadlok sang pumuluyo sa atubang sang ginasiling posible pagpang atake sang mga rebelding grupo kag nagsiling nga in-control sa sitwasyon ang military.
Samtang, wala gina confirm sang Army sa Negros ang ginasiling grupo sang armado nga mga tawo nga nakita sa banwa sang Cauayan sa Negros Occidental sadtong Biernes Santo, Abril 14.
Ini pagkatapos nga naglanog ang balita nga posible mga miembro sang Abu Sayyaf ang nakita nga mga tawo nga armado kag may mga backpacks.
Ginpahayag sang commander sang Bravo Company sang 79th Infantry Battalion nga si First Lt. John Tumamao nga may pila ka version sang istorya ang mga pumuluyo sa Sitio Capaclan, Brgy. Inayawan, Cauayan sa natabo nga pagdungka sang isa ka pumpboat sa ila lugar sakay ang isa ka American National nga si Frank Vlasquez kag ang 12-anyos niya nga anak nga babayi halin sa Negros Oriental padulong kon tani sa isla sang Panay.
Pila ka pumuluyo nagsiling nga sakay sang nagdungka nga pumpboat ang armado nga mga kalalakihan, apang may nagsiling man nga nagdungka gid lamang sa Cauayan ang pumpboat sang amo nga foreigner matapos ini ang na-aberiya sa tunga sang lawod sa sulod sang trese ka oras.
