Report ni: Jennifer Palomo Debaja
Nag pa gwa naman sang warning si Labor Attache Jalilo Dela Torre batuk sa online scam , matapos matapna sang damlag lang ang modus nga pag pang swindle sang isa ka illegal recruitment agency sa 3 ka Filipino domestic helper sa HK gamit ang peke nga website sang Philippine Embassy nga naka base sa London.
Sa rebelasyon ni Labatt Dela Torre, gin advice sini ang isa sa mga biktima nga ehold anay ang pag padala sang bayad agud magamit ini sa entrapment operation kanday Myra Tiongson Arugay sang Tuguegarao kg Sarah Jean Pedregosa Macawile sang Quezon City nga amo ang naga batun sang bayad nga gina paremit paagi sa Western Union .
Dugang nga pahayag ni LabAtt Jalilo dela Torre,gin alerto na sini ang Philippine Overseas Employment Office kag gina handle na ang kaso sang POEA’s Anti~Illegal Recruitment Branch sa bulig sang ila member unit nga Inter~Agency Council Against Trafficking.
Naga panawagan man ini sa mga remittance companies diri sa HK nga mag alerto kon may mga suspicious transactions sa ila kumpanya.
Non existing high ~paying blue collar jobs sa Britain ang gina offer sang online agency kg target sini ang mga HK based OFWs tungod madamu ang mga naga cross country diri.
Nahibaluan nga sang Agosto sini man nga tuig isa pa gid ka kaso sang online fraud ang na diskubrihan kon sa diin ginpeke ang pirma ni London Labor Attache Rey Conferido sa mga authenticated work documents sang isa ka British recruitment agency.
Gamit ang mga fake websites , https: londonphilippineembassy.gov.uk@gmail.com https:londonphilembassy.wixsite.com/recruit/copy~of~contract, isa si Macawile sa naga gwa ahente sang website.
Ari ang kabahin sang pahanumdom ni Labatt Dela Torre sa iya FB post.
“The war against cross~border illegal recruitment has become a desperate battle to get the information across to gullible recruits,and to employ technology to hunt down, and take down,faceless shadowy scammers who prey on the vulnerable through internet ~based website. But at the end of the day ,the success or failure of the campaign against recruitment predators and human ~traffickers depends on every recruit being aware of,and avoiding the risks of internet~based recruitment scams”.
