BAGO CITY, NEGROS OCCIDENTAL – Ginbuno sang iya live-in partner ang isa ka babayi bangud gid lamang sang pagpangimon kagab-i sa ciudad sang Bago.
Nakilala ang biktima nga si Marievic Sustioso, 51 anyos ang edad, pumuluyo sang Purok Kapayas, Brgy. Malingin, Bago City samtang wala naman ginhingadlan ang iya sini nga bana.
Suno sa biktiman ga may mga las 10 kagab-i sa sulod man lamang sang ila balay samtang ini siya ang nagahigda na sa kwarto, nagsulod ang iya bana kag hinali na lamang siya ginbuno sang makapila ka beses.
Nag-angkon sang duha ka igo sa iya kamot ang biktima lakip na sa iya paa kag pus-on.
Pahayag sang biktima nga pagpangimon ang rason kon nga-a ini ang ginbuno sang suspek.
Sa karon padayon nga ginabulong sa Corazon Locsin Montelibano Memorial Regional Hospital si Marievic./dyHB BACOLOD
