Live-in partner ginpatay kag ginlubong bangud sa selos.

Ginpatay kag ginlubong sang panday ang iya live-in partner bangud sa tuman nga selos sang nagligad nga adlaw sa Sitio Luheb, Barangay Mongokayo, T’boli, South Cotabato.
Sa imbestigasyon sang T’boli PNP ginpatay suno pa sang suspek nga ginkilala kay Rudilito Sawan Laura, 41- anyos, panday, residente sang nasambit nga lugar ang iya live-in partner nga ginkilala kay Joan Daquita Delfin, 31-anyos wala trabaho, residente sang Purok Langitnon, Barangay Zone 4, yyudad sang Koronadal paagi sa pagkuga gamit ang lubid.
Matapos suno pa nga mapatay ang biktima gindala ini sang suspek sa nabukid nga parte sang nasambit nga lugar kag ginlubong para kuntani nga itago ang krimen nga iya nahimo.
Suno kay Police Major Bernie Faldas, Hepe sang T’boli PNP, nadakpan ang suspek matapos madiparahan sang iya himata nga wala ang iya sini live-in partner sa diin gin-ako naman sang suspek ang nahimo nga krimen.
Dugang pa sang opisyal, nagduda suno pa ang suspek nga may ka textmate ang iya sini live-in partner nga naglab-ot sa ila pagbinaisay.
Ginkuga suno pa niya ini tubtub nga iya mapatay.
Gilayon naman nga madakpan ang suspek sa bulig sang BPATS kag barangay opisyal sa nasambit nga lugar.
Sa subong nagapabilin na ang suspek sa T`boli PNP samtang ginapreparar ang kaso.

Facebook Comments