Davao City – Narehistro na sa Department of Labor and Employment (DOLE)
provincial office ang mga peoples organization nga kabahin sa community
support program sa 71st Infantry Battalion sa Philippine Army.
Ang mga asosasyon mao ang Barangay Gubatan Livelihood for Peace Association
(BGLPA), Calabcab Motor Drivers Association (CLMDA), Sangab Energetic
Farmers Association (SEFA) kansang mga miyembro niini kanhing sakop ug
nagsuporta sa teroristang NPA sa underground nga kalihukan.
Mapasigarbuhong giangkon ni Lt. Col Estevyn Ducusin commanding officer sa
71st Kaibigan Battalion nga nagmadauogon ang iyang tropa sa pag agni
pagbalik sa notadong miyembro ug masa sa NPA sa pagdapig na sa kagamhanan.
Gitumbok ni Col. Ducusin ang daghan ang nangamatay nga mga kasundaluhan
niining mga barangaya tali sa tropa sa AFP ug rebelde tungod kay kining mga
barangay iladong strong hold sa mga armadong komunista.
Ang maong mga asosasyon malambigit sa programang pang agrikultura,
pagnegosyo ug spareparts sa motosiklo, car wash ug vulcanizing isip
livelihood sa mga miyembro sa asosayon.
Pasiunang gihatag atol sa seremonyas nga gisaksihan sa mga local officials
sa Maco, Compostela Valley Province mao ang mga similya sa mani alang sa
Sangab Energetic Farmers Association.
RadyoMaN Erin Lumosbog
