CAPIZ – Dugang nga kita kag pangabuy-anan para sa Capiznon ang guinhatag sang programa ni Governor Tony del Rosario nga Vegetable Production Contest.
Dala man sini sa Capiznon ang masustansya nga pagkaon nga ila igahaon sa ila lamesa sa matag-adlaw. Guinpahayag ni Roberto Odiaman Jr. sang banwa sang Sapian subong man tagpumalasakop sang nasambit nga proyekto sang gobierno probinsyal nga naglab-ot sa mas o minus P17,000 ang nangin kita sini naguikan sa iya nga garden.
Ang pinakanubo nga kita sini ang nagalab-ot man sa P6, 000. Dugang pa diri ang iya nga nadag-an nga cash prize naguikan sa gobierno probinsyal nga P20,000.
Dugang pa sang pila ka mangunguma nga nagpasakop sa nasambit nga proyekto nga daku ang nabulig sa ila ni Governor Tony del Rosario bangud nakabulig man ini sa galastusan sa eskwelahan sang ila nga kabataan. Mismo ang manog bakal na ang nagakadto sa ila puloy-an kag nagakumpra sa ila nga utanon sa harden.
Sa nahibaluan nga ang Vegetable Production Contest and guinlusyar ni Governor Tony del Rosario sang Enero 11, 2017 nga nagatuyo nga mahatagan ang Capiznon sang insakto kag masustansya nga pagkaon subong man maseguro nga bastante ang pagkaon sa sa merkado sa probinsya.
(c) Capiz Aksyon News Center
