Davao City – Nagmuntar og mga quarantine stations ang City Government of Davao sa tanang entry ug exit points sa syudad aron mapugngan ang pagsulod sa African Swine Fever (ASF) virus.
Sumala ni Dr. Cerelyn Pinili sa City Veterinarian Office (CVO) nga gipangbutang ang mga footbath sa Barangay Lasang, Barangay Sirawan ug Barangay Lacson.
“Four people who will man the animal quarantine area, and they will be there 24 hours,” segun ni Pinili.
Nakigkoordinar usab ang CVO sa Task Force Davao sa striktong pag-inspeksyon sa tanang mga karneng musulod sa syudad.
“Once the X-ray machine will detect meat, automatically it will be confiscated, especially if there are no documents,” dugang niini.
Matud kang Pinili nga susihon sa mga inspectors kung aduna kiniy kumpletong dokumentos ug siguraduhong wala kini naggikan sa mga ASF affected areas.
RadyoMaN Aimee Guinita
