Davao City – Nagbahad karon si Brgy. 9-A Kapitan Roderico “Tata” Llubit sa mga beneficiary sa Social Amelioration Program (SAP) ug mga kaubang barangay officials kinsa kadtong mapamatud-ang nangwarta sa maong hinabang pinansyal iya kining i-papriso.
Sumala ni Llubit, kung masayran usab niya nga namakak ang usa ka SAP beneficiary sa iyang gihatag nga impormasyon sa Department of Social Welfare and Development (DSWD) sa survey iya gihapong i-papriso.
Imbestigahan usab ni Llubit ang katawhan sa iyang barangay kung duna siya’y mamatikdang mga binuang sa pagtunol sa cash assistance aron mahatagan og aksyon.
“Atol sa atong pagpirma sa ilang SAP kay gusto nato masiguro nga wala gyoy mamintaha ug walay pagpanikas, gibaharan nato nga oras nga mabal-an nato nga namakak sila ug nilimod sila during sa interview sa DSWD dili ta magduha-duha atong gyod ning ipapriso ug atoang seryosohon ang kaso nga para sa ilaha,” saysay ni Llubit.
RadyoMaN Don Pulayao
