TACLOBAN CITY – Ginklaro han Leyte Normal University (LNU) an balita nga gumawas dinhi ha RMN Tacloban may paghisumpay han reklamo han pira nga estudyante nga diri daw hira gintatagan hin Certificate of Good Moral ngan diri ginpipirmahan an ira clearance.
Sumala han pira nga estudyante, ini in tungod nga nag-criticize hira gamit an social media ha mao nga Unibersidad. Gin-aaligar nagkasakit an pira nga estudyante tungod han mga pagkaon nga ginserbe durante han JS Prom dida han tuig 2017.
Sumala kan Clemelle Montallana, LNU Vice-President for administration, diri tuod nga diri nira ginhahatag an Good Moral certificate han pira nga estudyante.
“We would like to clarify as provided for by law, we are not holding any certificate of good moral of any students.”
Dumaop man gud an pira nga estudyante ha RMN para umaro hin bulig.
Ha surat naman tikang kan Marife Daga, Dean han Student Affairs han LNU, iya ginpanhimuwa ini nga ginreklamo han pira nga estudyante.
“There is no truth about this aforementioned complaint, Leyte Normal University is going to release the certificate of good moral to the students who have graduated already, including those who posted some comments on social media about the JS last February 2017.”
Aminado naman hi Luis Eugenio Valencia, former SENCO Adviser ha LNU nga angay tagan hin leksyon an mga estudyante nga nagpost ha social media.
“It has been referred to, that the students had a violation of the students handbook because in the student handbook it is a grieve offense that assault to the person of authority is a very serious offence. They attack persons not naming some others.”
Ha ginpadara naman nga mensahe tikang han mga nagreklamo, napirmahan na an ira clearance ngan ighahatag na daw ha ira an Good moral Certificate.
