GENERAL SANTOS CITY- Labad sa ulo karon ang gibati sa 24 anyos nga lalaki human subling madakpan sa mga sakop sa Station Drug Enforcement Team pinaagi sa buy bust operation ganiha sayo sa buntag (August 26, 2019) sa National Highway, Purok San Francisco, Barangay Baluan.
Giila ni Police Major Benhur Catcatan, hepe sa Lagao Police Station ang suspek nga si Ron Renielle Rivera, residente sa Prk. 1, Brgy. Buayan.
Dugang ni PMajor Catcatan, kanhing nagserbisyo sa iyang kaso nga pagsupak sa Comprehensive Dangerous Drugs ang suspek nga si Rivera ngadto sa Sarangani Provincial Jail sulod sa upat ka tuig.
Ning Disyembre nakalabayng tuig lang nahimong nakagawas sa maong pasilidad si Rivera apan namonitor gihapon sa kapolisan nga subling nalambigit sa pagpamaligya og iligal nga droga.
Anaa matod pa sa watchlist sa kapolisan ang pangalan sa suspek sa pagpayuhot og iligal nga droga.
Sa maong operasyon nakarekober ang kapolisan og gamayng pakete sa iligal nga droga gamit sab ang 500 pesos nga marked money.
Himas rehas karon ang suspek, samtang ugmang adlawa iduso sa piskalya ang kaso sa suspek nga pagsupak sa Section 5 Selling of Dangerous Drugs sa RA 9165.
For more info’s and updates, like and share our official facebook account : www.facebook.com/ifm91.9Gensanofficial/
[image: inahan dakpan sa droga.jpg]
