Local air carriers, tiniyak na tatalima sa pagbabawas ng pasahe matapos ang pagbaba ng fuel surcharge ng CAB

Tiniyak ng local air carriers ang magiging pagbaba ng pamasahe sa eroplano sa Hulyo.

Kasunod ito ng anunsyo ng Civil Aeronautics Board (CAB) na pagbaba ng fuel surcharge sa Level 5 mula Level 6.

Ayon sa AirAsia Philippines at Cebu Pacific, bunga nito ay magkakaroon ng bawas na ₱151.00 hanggang ₱542.00 sa pamasahe sa eroplano sa domestic flights.

Habang papalo naman ng ₱498.03 hanggang ₱3,703.11 ang pamasahe sa international flights, depende sa destinasyon o ruta.

Bukod pa anila ito sa promo na kanilang pinatutupad sa mga pasaherong magbo-book online sa kanilang app.