[image: IFM 919 Logo (1).jpg]
Gi-ronda sa mga sakop sa Regional Police Drug Enforcement Unit Region 12 (RPDEU 12) ang panimalay sa negosyante sa Barangay Lagao alas-11 kagabie.
Gibutyag ni Police Superintendent Leo Sua, hepe sa RPDEU 12 nga bitbit nila ang search warrant dihang nakadagan pa ang target nila sa drug raid. Nahitabo pa ang ginukdanay apan nadakpan gihapon ang target nga suspek.
Nakuha sa posesyon sa suspek ang caliber 40 nga pistol. Dihang gi-ronda na ang panimalay gitudlo dayon niini ang gitaguan niya sa iligal nga droga. Siya na sab matod pa ang miabre sa naka-lock nga drawer.
Nakit-an didto ang daghang mga drug paraphernalia susama sa glass pipes na dunay residue sa gidudahang shabu, improvised tooter ug mga lighter. Laing pakete sa gidudahang shabu ang nakuha sab ingon man ang digital weighing scale, bamboo heat sealer, mga naabre nga sachets.
Nakit-an sab sa iyang pitaka nga gisulod sa bag ang gagmayng sachets sa gidudahang shabu. Mibalibad sa paghatag og pamahayag ang target sa raid samtang magpahigayon pa og follow up operation ang RPDEU 12 sa source niini.
