Davao City- Gipangandaman usab karon sa lokal nga gobyerno ning syudad, ang himoong transport strike sa pagpanguna sa Transmission-Piston Southern Mindanao Region ugmang adlawa (Hulyo 20), pinaagi sa pagdeploy og mga sakyanan lakip na bus aron maoy mohatod sa mga trabahante sa city hall ug pasahero sa ilang tagsa-tagsa ka mga destinasyon.
Una niini, gibutyag sa City Transport and Traffic Management Office (CTTMO) nga andam na ang mga sakyanan sa higayong ilusad ang transport strike sa syudad.
Niadtong lunes, 20 ka mga nagprotesta ang nagtapok atubangan sa buhatan sa Land Transportation Office (LTO)-Davao Region aron supakon ang public utility vehicle (PUV) modernization program sa gobyerno nga gipangunahan sa Transmission Piston pinaagi ni Toto Vulcan aron ipasibaw ang ilang mulo sa plano sa Land Transportation Franchising Regulatory Board (LTFRB) sa pagpataas sa physical standard sa PUVs aron makahatag og kaluwasan sa mga pasahero, environment-friendly ug komportable nga paagi sa transportasyon ug pag-phase out sa mga de pasaherong dyip nga karaan.
Kasamang Bernard Pantallon
