Nagpangako ang Lokal nga Panguluhan sang banwa sang Pototan nga magahatag sang 200 mil pesos bilang reward sa makasugid sa ginapanaguan ni Ernesto “Erning” Bolivar, ang ginapahayag nagbulos sa puwesto ni Richard Prevendido bilang Drug Lord kag number 1 high value target sang kapulisan.
Nahibaluan nga si Bolivar ang masunod nga target sang kapulisan sa kampanya kontra druga kasunod sang pagkapatay kay Prevendido sang Setyembre 1 pinaagi sa mga operatiba sang Iloilo Provincial Police Office sa pagpanguna ni IPPO director Police Sr. Inspector Marlon Tayaba.
Nagpadulong sang nagligad nga adlaw sa talatapan ni Governor Arthur Defensor si Mayor Tomas Peñaflorida sang Pototan agud ipahibalo sa gobernador nga handa sila sa paghatag sang 200 mil pesos matapos nagpasar ang ila Sangguniang bayan sang resolutuon nga magahatag ang banwa sang n asambit nga reward sa sin-o man nga makatudlo sa ginapanaguan ni Bolivar.
