Davao City – Gipasabot karon sa City Engineers Office (CEO) nga gumikan sa ginapatuman nga national project constructions maong mikunhod ang percentage of completion sa imprastraktura dinhi sa syudad sa Davao.
Subay kini sa gibutyag ni Davao City Mayor Sara Duterte-Carpio atol sa ikaduhang State of the City Address (SOCA) diin matud pa adunay 4.61% nga pagkunhod gikan sa 542 ka mga proyekto ang wala natapos.
Gibutyag ni City Engineer Atty. Joseph Dominic Felizarta, adunay mga ginasingit nga dinalian nga mga proyekto gikan sa nasyunal sama na lamang sa P1-B-worth rehabilitasyon sa Agdao Public Market diin molungtad kini sa usa ka bulan.
“Naay ginasingit nga (project nga) dinalian so naay mga project nga on-hold,” saysay niini.
Gipamahayag ni Felizarta kapin 1000 ang proyekto sa kabarangayan mas daghan kun itandi sa kapin 200 ka mga proyekto sa syudad.
Sa pikas bahin gipamahayag sa city engineer nga anaa na sa 70% ang mga proyektong nagapadayon karon sa lokal nga panggamhanan sama sa Museo Dabawenyo sulod sa People’s Park, bag-ong City Health Office ingon man ang world class City Library.
RadyoMaN Jason Amisola
